Алекс Баэна "Атлетико" машғулотларида жароҳат олди.
Вингер мушакларидаги ноқулайлик туфайли чоршанба куни машғулотларни якунлай олмади. Шу сабабли Испания терма жамоаси аъзоси текширувдан ўтказилди.
Мадридликлар тиббий хизмати хулосасида унинг мушакларида енгил жароҳат борлиги айтилган.
Энди Алекс спорт залида физиотерапия ва реабилитациядан ўтади. Унинг майдонга қайтиши жароҳат ҳолатига боғлиқ бўлади.
Эслатиб ўтамиз, "Атлетико" июль ойи бошида Баэнани "Вильярреал"дан 45+5 млн еврога сотиб олган эди.
