"Арсенал" ҳимоячиси Уильям Салиба "канонирлар" сўнгги уч йил давомида Англия чемпионатида ғалаба қозонишга яқин келгани ҳақида гапирди. Унинг фикрича, жамоанинг янги аъзолари клубга совринлар ютишда ёрдам беради.

"Биз уч йил кетма-кет иккинчи ўринни эгалладик ва бизга ҳар доим нимадир етишмаслигини тушунамиз. Янги мавсум бошланди ва биз АПЛда ғолиб чиқиш учун айнан нима етишмаётганини тушунишимиз керак. Албатта, биз чемпион бўлишни истаймиз ва қўлимиздан келганини қиламиз. Бунинг учун биз сўнгги уч мавсумдагидан яхшироқ бўлишимиз керак. Ишончим комилки, янги футболчилар бизга бир нечта совринларни қўлга киритишда ёрдам беришади. Улар билан биз яхшироқ ўйнай бошладик," - дея ҳимоячининг сўзларини келтиради ESPN.