"Arsenal" himoyachisi Uilyam Saliba "kanonirlar" so‘nggi uch yil davomida Angliya chempionatida g‘alaba qozonishga yaqin kelgani haqida gapirdi. Uning fikricha, jamoaning yangi a’zolari klubga sovrinlar yutishda yordam beradi.

"Biz uch yil ketma-ket ikkinchi o‘rinni egalladik va bizga har doim nimadir yetishmasligini tushunamiz. Yangi mavsum boshlandi va biz APLda g‘olib chiqish uchun aynan nima yetishmayotganini tushunishimiz kerak. Albatta, biz chempion bo‘lishni istaymiz va qo‘limizdan kelganini qilamiz. Buning uchun biz so‘nggi uch mavsumdagidan yaxshiroq bo‘lishimiz kerak. Ishonchim komilki, yangi futbolchilar bizga bir nechta sovrinlarni qo‘lga kiritishda yordam berishadi. Ular bilan biz yaxshiroq o‘ynay boshladik," - deya himoyachining so‘zlarini keltiradi ESPN.