"ПСЖ" марказий ҳужумчиси Рандаль Коло-Муани фаолиятини "Ювентус"да давом эттирмоқчи. Бу ҳақда инсайдер Фабрицио Романо хабар бермоқда.
Манбага кўра, франциялик ҳужумчи "Ювентус"нинг "ПСЖ" билан оғир музокараларига қарамай, келажаги борасида хотиржамликни сақламоқда. Таъкидланишича, Коло-Муани бошқа клублар билан музокара ўтказмаяпти ва шунчаки томонларнинг келишиб олишини кутмоқда. Келишув трансфер ойнаси якунига қадар якунланиши кутилмоқда.
Коло-Муани ўтган мавсумнинг иккинчи қисмини "Ювентус"да ижара асосида ўтказган эди. У туринликлар сафида 22 та учрашувда қатнашиб, 10 та гол урди ва 3 та голли узатмани ўз ҳисобига ёздириб қўйди.
