"Наполи" хўжайини Аурелио Де Лаурентис жамоани ҳужумчи Эдинсон Кавани тарк этиши борасидаги хабарларга изоҳ бериб ўтди.

"ПСЖ"дан Каванини сўраб ҳеч қандай таклиф келгани йўқ. Клубимиз бой, молиявий фейр-плей қоидаларини ҳурмат қиламиз. Нега энг яхши футболчиларимизни сотишимиз керак экан?

Агар кимдир Каванини ўз сафида кўришни истаса, марҳамат қилиб шартномада аниқ қилиб кўрсатилган суммани - 63 миллионни тўлашига тўғри келади. Агар бундай таклиф олмасак, унда Каванининг 2017 йилда тугайдиган шартномаси охирига қадар таркибимизда ўйнашидан жуда хурсанд бўламиз", деди Де Лаурентис.

Эслатиб ўтамиз, аввалроқ "ПСЖ"нинг Кавани учун 63 миллион евро тўлашга тайёр экани ҳақида хабар қилинганди.