"Боруссия" Фабиу Силва билан шартнома борасида келишиб олди.
Флориан Плеттенберг хабарига кўра, дортмундликлар "Вулверхэмптон" ҳужумчиси билан 2030 йил ёзигача мўлжалланган шартнома шартлари бўйича келишиб олган.
23 ёшли португалиялик футболчи клублар якуний келишувга эришганида тиббий кўрикдан ўтишга тайёр. "Боруссия" Фабио учун 20 млн евро таклиф қилгани, "бўрилар" эса 25 млн ва бонуслар талаб қилаётгани хабар қилинганди.
Силва ўтган мавсумни "Лас-Пальмас"да ижарада ўтказди. Ла Лигада португалиялик 24 та ўйинда 10 та гол урган.
