"Штутгарт"нинг 24 ёшли хавбеки Анжело Штиллер "Манчестер Юнайтед"нинг эҳтимолий трансфер мақсадлари рўйхатига киритилди.
Журналист Бен Жейкобснинг маълум қилишича, инглиз клуби ёзги трансферлар ойнаси ёпилгунга қадар майдон марказини кучайтириш имкониятини кўриб чиқмоқда ва германиялик ярим ҳимоячи номзоди муҳокамалар қаторидан ўрин олган. "Юнайтед" қароргоҳида яна бир марказий ўйинчини олиб келиш бўйича ички маслаҳатлашувлар давом этмоқда.
Футболчи Бундеслиганинг ўтган мавсумида 32 та ўйинда майдонга тушиб, 1 та гол урган ва 8 та голга ҳаммуаллифлик қилган.
