Барселона мэрининг хавфсизлик масалалари бўйича ўринбосари Альберт Батле "Барселона"нинг "Камп Ноу"га қайтиши билан боғлиқ вазият ҳақида гапирди.
Аввалроқ, Каталония клуби ўйинларни сиғими чекланган янгиланган стадионда ўтказишни режалаштирган эди, аммо ҳали ҳам лицензияга эга эмас.
"Эҳтимол, бу яна бир неча ой давом этар. Клуб ишни якунлаш далолатномасини тақдим этмаган, яъни лицензия олиш учун ариза бериш шартларини бажармаган. Муддат масаласида босим ўтказмайлик. Энг муҳими, хавфсизлик тўлиқ таъминланган бўлиши керак. "Барселона" нима қилишни билади," - деди Батле.
