"Манчестер Юнайтед" "Наполи"га ҳужумчи Расмус Хёйлундни қўйиб юборишга тайёрлигини маълум қилди, дея хабар бермоқда инсайдер Фабрицио Романо.
Бундан ташқари, манкунианлар сотиб олиш мажбурияти билан ва усиз ҳам ижарага беришга тайёр. Ўйинчининг ўзи келишувда мажбурият кўрсатилишини хоҳлайди.
Хёйлунднинг амалдаги шартномаси 2028 йилгача мўлжалланган. Transfermarkt портали футболчининг нархини 35 миллион еврога баҳоламоқда.
2024/25 йилги мавсумда Хёйлунд барча мусобақаларда 52 та ўйинда майдонга тушиб, 10 та гол урди ва 4 та голли узатмани амалга оширди.
