"Марсель" ярим ҳимоячиси Адриен Рабьо жорий ойда жамоасини ўзгартириши мумкин.

Франциялик футболчи Лига 1 доирасидаги "Ренн"га қарши ўйин охирида кийиниш хонасида жамоадоши билан жанжаллашиб қолгани учун сотувга қўйилган. "Марсель" 30 ёшли футболчини 15 млн еврога сотишга тайёр ва баъзи клублар бунга қизиқиш билдирмоқда. Инсайдер Фабрицио Романонинг ёзишича, Рабьонинг "Ювентус"га қайтиши ҳақидаги миш-мишлар ҳақиқатга тўғри келмайди: айни дамда "кекса синьора"нинг хавбек билан шартнома имзолаш режалари ҳақида ҳеч қандай маълумот йўқ.

Манбанинг таъкидлашича, ҳозирда "Ювентус" асосий эътиборни яна икки футболчи - "Брайтон"дан Мэтт О'Райли ва "Лилль"дан Эдон Жегрова бўйича музокараларга қаратган.

Рабио 2019 йилдан 2024 йилгача "Бьянконерилар" шарафини ҳимоя қилган.