"Фиорентина" ҳужумчиси Мойзе Кин шартномани узайтириш арафасида турибди. Сўнгги ойларда ОАВда тез орада янги шартнома имзоланиши ҳақида бир неча бор маълумотлар пайдо бўлди, энди бу маълумотлар клубда тасдиқланди.
"Биз музокараларнинг якуний босқичида турибмиз. Охирги деталларни келишиб олиш қолди," - деди "бинафшаранглилар" бош директори Алессандро Феррари Sky Sport’га берган интервьюсида.
Агар кутилмаган ҳолат юз бермаса, Мойзе Кин "Фиорентина" билан 2030 йилнинг ярмигача мўлжалланган шартнома тузади. 25 ёшли форвард флоренцияликлар сафида 45 та ўйинда 25 та гол ва бешта голли узатмага муаллифлик қилган.
