"Тоттенхэм" ҳужумкор ярим ҳимоячиси Деян Кулушевски жароҳатидан тикланишда давом этмоқда.
25 ёшли футболчи май ойида тиззасидан жароҳат олган - унинг жароҳати жиддий бўлган. Журналист Девид Хитнернинг маълум қилишича, "шпорлар" яна анча вақт - ҳеч бўлмаганда жорий йил охиригача швед хизматларидан фойдалана олмайди.
Деян Кулушевски "Тоттенхэм" сафида жами 146 та ўйинда майдонга тушиб, 25 та гол ва 30 та голли узатмага муаллифлик қилган.
Томас Франк жамоаси Англия Премьер-лигасини муваффақиятли бошлади: биринчи турда лондонликлар ўз уйида "Бёрнли"ни йирик ҳисобда мағлуб этишди - 3:0.
