"Штутгарт" ҳужумчиси Ник Вольтемаде барибир "Бавария"га ўтади, аммо ҳозир эмас.
Мюнхенликлар ёзнинг катта қисмида "швабияликлар" юлдузини ўз сафига қўшиб олишга уринди, аммо трансфер борасида келиша олмади. Шунга қарамай, журналистлар Тоби Альтшеффл ва Кристиан Фалькнинг маълум қилишича, "Штутгарт"дагилар трансфер барибир келаси ёзда амалга ошишини тахмин қилишмоқда. Ҳужумчининг ўзи эса Мюнхен суперклубига ўтишни истамоқда.
"Бавария" Ник Вольтемаде учун 60 млн евродан кўпроқ таклиф қилганди. 23 ёшли футболчининг Transfermarkt порталидаги нархи - 30 млн евро. Футболчининг амалдаги шартномаси 2028 йилгача мўлжалланган.
