"Манчестер Юнайтед" футболчиси Жэйдон Санчо ҳамон "Рома"нинг трансфер нишони бўлиб турибди.
25 ёшли футболчи "қизил иблислар" уни сотишга тайёр эканликларига қарамай, римликларнинг таклифини қабул қилмади. Журналист Альфредо Педулланинг янгиланган маълумотларига кўра, трансфер ҳали ҳам амалга ошиши мумкин. "Рома" вакиллари англиялик вингер билан доимий алоқада бўлиб турибди. Тез орада янги музокаралар бўлиб ўтади ва "бўрилар" раҳбарияти якунда ўйинчи розилик билан жавоб қайтаришини кутмоқда.
Жэйдон Санчога даъвогарлар орасида "Ювентус", Дортмунднинг "Боруссия", "Бешиктош" ва бошқа клублар бор.
