"Ювентус" ярим ҳимоячиси Мануэль Локателли саудияликларнинг катта таклифини рад этди.
Миш-мишларга ишонадиган бўлсак, Саудия Арабистонида 27 ёшли футболчи ҳозир Туриндагига қараганда уч-тўрт баробар кўп маош олиши мумкин эди, аммо у барибир қолишни афзал кўрди. Журналист Жованни Альбанезенинг маълум қилишича, Локателли "Ювентус"да бахтли, "бьянконерилар"нинг сардорлик боғичи эса хавбек учун алоҳида фахр. Футболчига клубнинг янги лойиҳаси ёқади, унда унга асосий роль ажратилган.
Мануэль Локателлининг "Ювентус" билан меҳнат шартномаси 2028 йилнинг ярмигача мўлжалланган, унинг Transfermarkt сайтидаги нархи - 30 млн евро.
