"Ювентус" марказий ҳимоячиси Ллойд Келли Англияга қайтиши мумкин.
Февралда "кекса синьора" футболчини "Ньюкасл"дан ижарага олганди, июлда эса 17,2 млн евро эвазига сотиб олиш банди кучга кирди. Тахминларга кўра, агар инглиз бўйича мақбул таклифлар келиб тушса, "Ювентус" уни сақлаб қолмайди. Журналист Николо Скиранинг ёзишича, 26 ёшли футболчига "Сандерленд" ва "Кристал Пэлас" қизиқиш билдирмоқда. Футболчини ватанига қайтишга кўндириш осон бўлмайди, чунки у Турин клубида қолишни истамоқда.
Ллойд Келлининг амалдаги меҳнат шартномаси 2029 йилгача мўлжалланган, унинг Transfermarkt сайтидаги нархи - 16 млн евро.
