"Барселона" келаси ёзда шов-шувли трансфер амалга ошишига умид қилмоқда. "Кўк-анорранглилар" Мадриднинг "Атлетико" клуби форварди Хулиан Альваресни нишонга олишган - каталонияликлар уни Роберт Левандовскининг эҳтимолий ўринбосари сифатида кўришмоқда.

Transfer News Live нашрининг El Nacional’га таяниб хабар беришича, "Барса" раҳбарияти аргентиналик футболчини қўлга киритиш учун 100 млн евро йиғиш ҳақида ўйламоқда. Бу сумма "матрасчилар"ни келаси йил жаҳон чемпионини сотишга кўндира олиши керак.

Хулиан Альвареснинг "Атлетико" билан шартномаси 2030 йилгача мўлжалланган. Transfermarkt портали мутахассислари 25 ёшли ҳужумчининг нархини худди шу 100 млн еврога баҳоламоқда.