"Милан"нинг қанот ҳужумчиси Саму Чуквуэзега Англиянинг "Фулхэм" клуби қизиқиш билдирмоқда. Бу ҳақда инсайдер Николо Скира хабар берди.
Манбага кўра, лондонликлар ҳужум чизиғини 26 ёшли нигериялик футболчи билан кучайтирмоқчи. Таъкидланишича, томонлар футболчининг эҳтимолий трансфери бўйича музокараларни бошлаб юборган.
"Милан" Чуквуэзени 2023 йилнинг ёзида сотиб олганди. Ўтган мавсумда вингер барча мусобақаларда 36 та учрашувда майдонга тушиб, 5 та гол урди ва 3 та голли узатма муаллифига айланди.
Чуквуэзенинг "Милан" билан меҳнат шартномаси 2028 йилгача мўлжалланган. Transfermarkt экспертлари футболчининг нархини ўн миллион еврога баҳоламоқда.
Аввалроқ, ОАВда миланликлар энди Чуквуэзга ишонмаётгани ҳақида хабарлар тарқалган эди.
