"Milan"ning qanot hujumchisi Samu Chukvuezega Angliyaning "Fulxem" klubi qiziqish bildirmoqda. Bu haqda insayder Nikolo Skira xabar berdi.

Manbaga ko‘ra, londonliklar hujum chizig‘ini 26 yoshli nigeriyalik futbolchi bilan kuchaytirmoqchi. Ta’kidlanishicha, tomonlar futbolchining ehtimoliy transferi bo‘yicha muzokaralarni boshlab yuborgan.

"Milan" Chukvuezeni 2023 yilning yozida sotib olgandi. O‘tgan mavsumda vinger barcha musobaqalarda 36 ta uchrashuvda maydonga tushib, 5 ta gol urdi va 3 ta golli uzatma muallifiga aylandi.

Chukvuezening "Milan" bilan mehnat shartnomasi 2028 yilgacha mo‘ljallangan. Transfermarkt ekspertlari futbolchining narxini o‘n million yevroga baholamoqda.

Avvalroq, OAVda milanliklar endi Chukvuezga ishonmayotgani haqida xabarlar tarqalgan edi.