"Манчестер Сити" раҳбарияти "Антверпен" дарвозабони Сенне Ламменсни таклиф қилиш вариантини кўриб чиқмоқда. Бу ҳақда журналист Саша Тавольери хабар бермоқда.
Манбага кўра, "шаҳарликлар" Жанлуижи Доннарумманинг трансфери бўйича "ПСЖ" билан музокараларда қийинчиликка дуч келмоқда, чунки французлар жамоаси италиялик футболчи учун жуда катта пул талаб қилмоқда. Шу сабабли "Манчестер Сити" ўз эътиборини бельгиялик 23 ёшли Ламменсга қаратишга қарор қилди.
Ламменс жорий мавсум 4 та ўйинда майдонга тушди ва 4 та гол ўтказиб юборди. Футболчининг "Антверпен" билан шартномаси 2027 йилгача мўлжалланган. Transfermarkt портали унинг нархини 9 млн еврога баҳоламоқда.
