Журналист Жанлука Ди Марционинг ёзишича, "Ювентус" ва "Гремио" ярим ҳимоячи Артур Мелони ижараси бўйича принципиал келишувга эришган. Ушбу ижара бразилиялик футболчи учун 2020 йилда "Бьянконери"га ўтганидан бери тўртинчиси бўлади.
"Барселона"нинг собиқ яримҳимоячиси 2022/23 йилги мавсумни "Ливерпуль" сафида муваффақиятсиз ўтказди ва бутун йил давомида атиги 13 дақиқа ўйнади. 2023/24 йилги мавсумда "Фиорентина"да у янада муваффақиятли даврни ўтказди, шундан сўнг у 2024/25 йилги мавсумнинг иккинчи ярмида "Жирона"га ўтди.
Артур учун "Гремио"га ўтиш Европадаги етти йиллик фаолиятидан сўнг ватанига қайтиш бўлади. 29 ёшли хавбек Бразилия клубининг ёшлар академиясида беш йил ва яна уч йил асосий жамоада ўйнаб, 2018 йилда "Барселона"га ўтган.
Қўшимча қиламизки, Артур "Ювентус" сафида барча мусобақаларда 63та ўйинда майдонга тушиб, 1та гол урган ва 1та голга ҳаммуаллифлик қилган.
