Леверкузеннинг "Байер" клуби ҳужумчиси Виктор Бонифасе фаолиятини "Милан"да давом эттириши мумкин.

Инсайдер Фабрицио Романонинг таъкидлашича, 24 ёшли нигериялик футболчининг вакили Италияга учиб кетган ва у ерда футболчининг "Милан"га ўтиши бўйича музокаралар олиб боради. Манбага кўра, аввалроқ клублар Бонифасени 30 миллион еврога сотиб олиш ҳуқуқи билан ижарага олишга келишиб олган.

2024/25 йилги мавсумда Бонифасе барча турнирларда 27 та ўйинда майдонга тушиб, 11 марта рақиблар дарвозасини ишғол қилди ва иккита самарали узатма муаллифига айланди.