Машҳур мураббий Карло Анчелотти топ-лигалардаги жамоаларни 20 тадан 18 тагача қисқартириш ғояси ҳақида фикр билдирди.
"Менимча, бу яхши қарор. Бу сифатсиз ўйинларни қисқартиришга имкон беради ва харажатлар оқилона бўлади. Аммо барча томонлар ўртасида келишув зарур, ҳозирча эса у йўқ," - деди Анчелотти il Giornale нашрига берган интервьюсида.
"Ўйинлар кўпайиб кетди, савиясиз ўйинлар кўпайди. ФИФА ва УЕФА тақвимни қайта кўриб чиқиши керак. Жуда кўп ўйинлар ва уларнинг барчаси ҳам сифатли эмас. Ва жуда кўп жароҳатлар," - деди Анчелотти.
Эслатиб ўтамиз, айни дамда Карло Анчелотти Бразилия терма жамоасини бошқармоқда.













