Англия Премьер-лигасида мавсумдаги илк мураббий истеъфоси кутилмоқда. Таниқли журналист Маттео Мореттонинг ижтимоий тармоқларда ёзишича, "Ноттингем Форест" клуби Нуну Эшпириту Санту билан хайрлашиши мумкин. "Ўрмончилар" аллақачон бошқа номзодларни баҳоламоқда.
Хабарингиз бор, ўтган мавсумда Нуну Эшпириту Санту клуб хўжайини Эвангелос Маринакис билан зиддиятга борган эди. Энди мураббийнинг фикрича, клубнинг трансфер бозоридаги иши яхши эмаслиги туфайли кескинлик кучайди. Португалиялик мутахассис яқинда таркибдан норозилигини очиқ айтди.
АПЛ 1-турида "Ноттингем Форест" "Брентфорд"ни 3:1 ҳисобида мағлуб этди. "Ўрмончилар" Европа Лигаси умумий босқичида Англия шарафини ҳимоя қилади.
