"Манчестер Сити" ҳимоячиси Рико Льюис "Вулверхэмптон" ҳужумчиси Йорген Странд Ларсен билан зиддиятга изоҳ берди.
"Дам олиш кунлари бўлиб ўтган ўйинда Ларсен билан содир бўлган воқеага асосан мен айбдорман, чунки мен тўпни тепиб юбордим. Биз гол урдик, кейин тўп менга келиб тегди ва мен ҳам уни тепиб юбордим, бу аниқ аҳмоқлик эканлигини ўйлаб ҳам кўрмадим! Биз ўйиндан кейин гаплашдик ва бир-биримиздан узр сўрадик," - дея Льюиснинг сўзларини келтиради City Report.
Футболчи одатда жанжал чиқармаслигини, бироқ бундай вазиятларда ўзини ҳимоя қила олиш кераклигини қўшимча қилди.
Эслатиб ўтамиз, Англия Премьер-лигаси 1-туридан ўрин олган учрашув "Манчестер Сити"нинг "Вулверхэмптон" устидан йирик 4:0 ҳисобидаги ғалабаси билан якунланган эди.
