"Manchester Siti" himoyachisi Riko Lyuis "Vulverxempton" hujumchisi Yorgen Strand Larsen bilan ziddiyatga izoh berdi.
"Dam olish kunlari bo‘lib o‘tgan o‘yinda Larsen bilan sodir bo‘lgan voqeaga asosan men aybdorman, chunki men to‘pni tepib yubordim. Biz gol urdik, keyin to‘p menga kelib tegdi va men ham uni tepib yubordim, bu aniq ahmoqlik ekanligini o‘ylab ham ko‘rmadim! Biz o‘yindan keyin gaplashdik va bir-birimizdan uzr so‘radik," - deya Lyuisning so‘zlarini keltiradi City Report.
Futbolchi odatda janjal chiqarmasligini, biroq bunday vaziyatlarda o‘zini himoya qila olish kerakligini qo‘shimcha qildi.
Eslatib o‘tamiz, Angliya Premyer-ligasi 1-turidan o‘rin olgan uchrashuv "Manchester Siti"ning "Vulverxempton" ustidan yirik 4:0 hisobidagi g‘alabasi bilan yakunlangan edi.
