"Манчестер Сити" бош мураббийи Хосеп Гвардиола жамоа ярим ҳимоячиси Родри Эрнандеснинг қайтиши ҳақида фикр билдирди.
- Мен фақат Родрининг барқарор бўлишини истайман, холос. Унинг салоҳияти ва сифатига шубҳа қилмайман - ҳозирча у дунёнинг энг яхши футболчиси. Бир неча ойдан кейин янги ўйинчи танланади, лекин у ҳозирча энг яхшиси. Асосийси, машғулотлар ва ўйинлар орқали барқарорликка эришиш," - дея Гвардиоланинг сўзларини келтиради City Xtra.
Эслатиб ўтамиз, Родри ўтган мавсумнинг деярли барча қисмини хочсимон пайлари узилиши туфайли ўтказиб юборган эди. Жорий ёзда испаниялик яна тиззасидан жароҳат олди, бироқ у яқинлашиб келаётган ўйинда майдонга қайтиши керак.
