"Реал" Англия Премьер-лигаси ярим ҳимоячисини диққат билан кузатмоқда. Гап "Кристал Пэлас" аъзоси Адам Уортон ҳақида кетмоқда. AS нашри тарқатган хабарга кўра "Реал" Уортонни майдон марказида Тони Кроос ва Лука Модричнинг ўрнини ёпишга қодир футболчи сифатида кўрмоқда.
Шу билан бирга, қайд этилишича, Уортонни "Реал"га олиб келиш қийин бўлади. Мадридликлар бу ёзда трансферни йирик сотув амалга оширилган тақдирдагина амалга оширишга уриниб кўриши мумкин. "Кристал Пэлас" 21 ёшли Уортонни 80 миллион еврога баҳоламоқда, бу эса "Реал" учун муаммо.
Шунингдек, Адам Уортонга "Манчестер Юнайтед", "Манчестер Сити" ва "Ливерпуль" клублари ҳам қизиқиш билдирмоқда.
