Франция чемпионатининг 2-турида "ПСЖ" ўз майдонида "Анже"ни қабул қилиб, 1:0 ҳисобида ғалаба қозонди.
Ягона гол 50-дақиқада парижликлар ярим ҳимоячиси Фабиан Руис томонидан киритилди. "ПСЖ" ҳужумчиси Усмон Дембеле ўйиннинг 27-дақиқасида меҳмонлар дарвозаси томон белгиланган пенальтини аниқ амалга ошира олмади.
"ПСЖ" кейинги турда "Тулуза" меҳмони бўлади. Ўйин 30 август куни бўлиб ўтади. "Анже" 31 август куни ўз майдонида "Ренн"га қарши баҳс олиб боради.













