"Наполи" "Манчестер Юнайтед" билан ҳужумчи Расмус Хёйлунд трансфери бўйича музокаралар олиб бормоқда, деб хабар берди Х ижтимоий тармоғида инсайдер Фабрицио Романо.
Манбага кўра, жума куни футболчининг агенти билан шартнома шартлари ва узоқ муддатли режалар бўйича ижобий музокаралар ўтказилган. "Манчестер Юнайтед" ҳужумчи билан хайрлашишга тайёр.
Хёйлунднинг амалдаги шартномаси 2028 йилгача мўлжалланган. Transfermarkt портали футболчининг нархини 35 миллион еврога баҳоламоқда.
2024/25 йилги мавсумда Хёйлунд барча мусобақаларда 52 та ўйинда майдонга тушиб, 10 та гол урди ва 4 та голли узатмани амалга оширди.
