"Бавария" спорт бўлими бошлиғи Макс Эберль "Челси" ҳужумчиси Николас Жексон ҳақидаги саволга жавоб берди.
"Кўклар" томонидан сотувга қўйилган 24 ёшли футболчи Мюнхен грандининг трансфер мақсадлари қаторида бўлган, бироқ Эберль бу маълумотни рад этди: "Жексон билан шартнома имзолаш мавзуси биз учун долзарб эмас," - дея функционернинг сўзларини келтиради журналист Кристиан Фальк.
Transfermarkt портали талқинига кўра, Николас Жексоннинг нархи 50 млн еврони ташкил этади. Сенегаллик футболчига Англия премьер-лигаси ва Италия А Серияси вакиллари қизиқиш билдирмоқда.
