"Бавария" бош мураббийи Венсан Компани жамоасининг қайси футболчисини паст баҳолаганини айтди.

Жума куни мюнхенликлар Бундеслига 1-туридан ўрин олган "РБ Лейпциг"ни йирик ҳисобда мағлубиятга учратди (6:0). Баҳс якунлангач, журналистлар бельгиялик мураббийдан клубни тарк этиши айтилаётган Серж Гнабри ҳақида сўрашди.

"Серж - жуда паст баҳоланган футболчи. Четдан келган одамларнинг фикри бор, у билан ишлайдиган одамларнинг фикри бор. Гнабрининг заиф томонлари кам. У ўтмишда "Бавария"нинг муҳим ўйинларида асосий ролни ўйнаган ва деярли ҳеч бир ўйин унинг голи ёки голли узатмасисиз ўтмаган - бунга ажабланмайман, унинг одатий даражаси шундай. У бизнинг жамоамизда эканлигидан хурсандман," - деди Компани матбуот анжуманида.