"Тоттенхэм" "Комо" ҳужумкор ярим ҳимоячиси Николас Пас бўйича янги трансфер таклифи билан чиқади.

Ой бошида "шпорлар" 20 ёшли футболчи учун тахминан 40 млн евро таклиф қилган, аммо итальян клуби рад жавобини берганди. Инсайдер Жанлука ди Марционинг янгиланган ҳисоботида айтилишича, тез орада "Тоттенхэм" аргентиналик истиқболли футболчи учун яхшиланган таклиф билан қайтади. Эслатиб ўтамиз, футболчини сотиб олишнинг асосий ҳуқуқи у Италияга кўчиб ўтгунга қадар тўп тепган "Реал"да сақланиб қолмоқда.

Манбага ишонадиган бўлсак, "Комо" Николас Пас учун тахминан 70 млн евро сўрамоқда. "Тоттенхэм" "қаймоқранглилар" тарбияланувчисини оғир жароҳат олган Жеймс Мэддисоннинг ўринбосари сифатида кўрмоқда.