"Бавария" бош мураббийи Венсан Компани Бундеслига 1-туридан ўрин олган "РБ Лейпциг"га (6:0) қарши ўйиндан сўнг журналистлар саволларига жавоб қайтарди.
Танаффусга қадар Майкл Олисе (дубль) ва Луис Диас таблога ўз номларини ёздириб қўйишди, иккинчи бўлимда эса Харри Кейн хет-трик қайд этди.
"Мукаммал ўйин? Йўқ. Мен футболчиларга учта жиҳатда янада қўшишимиз мумкинлигини айтдим, лекин бу кийиниш хонасида қолади. Биз етарлича ҳаракатчан эдик, ўйиндан завқланардик. "Альянц Арена"даги биринчи яхши ўйин. Ишонч билан ғалаба қозондик, лекин бундай ғалаба учун ҳам олти эмас, уч очко берилади. Шу руҳда давом этиш керак," - дея Компани сўзларини келтиради Bayern & Germany.
