"Барселона" дарвозабони Иньяки Пенья клубни тарк этишга яқин турибди. Куни кеча футболчига Италиянинг "Комо" клуби қизиқиш билдираётгани ҳақида хабарлар тарқалди, аммо айни дамда 26 ёшли испаниялик футболчи учун курашда "Эльче" етакчилик қилмоқда. Бу ҳақда Испаниядаги турли манбалар хабар бермоқда.
Агар ҳаммаси кўнгилдагидек бўлса, дарвозабон "кўк-анорранглилар" билан шартномани 2029 йилгача узайтиради, шундан сўнг Ла Лиганинг янги клуби сафига қўшилади.
Иньяки Пеньянинг нархи таниқли Transfermarkt сайти экспертлари томонидан 8 млн еврога баҳоланмоқда. Кипернинг Каталония гранди билан амалдаги келишуви келаси ёзда ўз ниҳоясига етади.
"Эльче" 1-тур баҳсида "Бетис" билан дуранг ўйнади (1:1).
