"Манчестер Юнайтед" ҳужумчиси Расмус Хёйлунд "Наполи"га ўтиши мумкин. Италия клуби "қизил иблислар" билан келишувга эришди: 22 ёшли данияликнинг ижараси "партенопияликлар"га 5 млн еврога тушади, шунингдек, битимга 40 млн еврога сотиб олиш опцияси ҳам киритилади, дея хабар бермоқда инсайдер Николо Скира. Энди барчаси футболчининг ўзига боғлиқ - агар у неаполликларга розилик билан жавоб берса, трансфер амалга ошади.
Расмус Хёйлунд Бенжамин Шешко клубига келганидан кейин "Манчестер Юнайтед" таркибидаги ўрнини бутунлай йўқотди. Аввалроқ, манкунианликларнинг даниялик ҳужумчисига А Сериянинг бошқа бир вакили - "Милан" қизиқиш билдираётган эди.
