"Ювентус" вингери Николас Гонсалес фаолиятини Мадриднинг "Атлетико" клубида давом эттирмоқчи.
"Кекса синьора" аргентиналикни сотувга қўйди ва унга "матрасчилар" қизиқиш билдиришди. Инсайдер Маттео Мореттонинг маълум қилишича, музокаралар давом этмоқда, бироқ клублар ҳозирча келишувнинг айрим жиҳатлари бўйича келишувга эриша олмаяпти. 27 ёшли футболчининг ўзи "Атлетико"га ўтишни истамоқда, у аллақачон мадридликлар устози Диего Симеоне билан гаплашган.
Николас Гонсалеснинг трансфер нархи Transfermarkt портали томонидан 24 млн еврога баҳоланмоқда. Яқинда "Ювентус" футболчини "Фиорентина"дан 28 млн еврога сотиб олган эди.
