"Бирмингем" "Ливерпуль" вингери Льюис Кумас билан шартнома имзолаганини эълон қилди.
19 ёшли футболчи янги жамоасига ижара асосида келиб қўшилди. Шартнома 1 мавсумга тузилган.
"Мен жуда ҳаяжондаман ва ўйинлар бошланишини интиқлик билан кутяпман. Мен нималарга қодирлигимни кўрсатиш, голлар уриш ва голли узатмалар бериш учун шу ердаман," - дея Кумаснинг сўзларини келтиради "Бирмингем" матбуот хизмати.
Ўтган мавсумда Кумас Чемпионшипнинг "Сток Сити" жамоасида ўйнаган ва барча турнирларда 49 та ўйинда майдонга тушиб, 6 та гол урган ва 3 та голли узатмани амалга оширган. Уэльс ўсмирлар терма жамоаси футболчисининг нархи 2 миллион еврога баҳоланмоқда.
