"Манчестер Юнайтед"га тегишли бўлган бразилиялик вингер Антони фаолиятини Испания чемпионатида давом эттириши мумкин.
Журналист Фабрицио Романонинг маълум қилишича, Севильянинг "Бетис" клуби вингернинг янги ижарасини расмийлаштирмоқчи. Антонининг "қизил иблислар" билан 2027 йил июнь ойи охиригача амалдаги меҳнат шартномаси бор. Transfermarkt портали мутахассислари 25 ёшли футболчининг нархини 35 миллион еврога баҳоламоқда.
Антони Испания чемпионатининг ўтган мавсумида 17 та ўйин ўтказиб, 5 та гол ва 2 та голли узатмани ўз ҳисобига ёздириб қўйди.
