"Манчестер Юнайтед" бир ҳафта олдин ҳам янги дарвозабон сотиб олиш ниятида эмас эди.
The Athletic хабарига кўра, манкунианликлар бу борада иш олиб боришни режалаштирмаган. Бундай вариант фақат Андре Онана сотилган тақдирда кўриб чиқилган.
Аммо АПЛ 1-туридан ўрин олган "Арсенал"га қарши ўйиндан кейин вазият ўзгарди. "МЮ" ягона голни Алтай Байиндирнинг хатосидан сўнг ўтказиб юборди, шунинг учун клуб дарвозабон позициясини кучайтиришга қарор қилди.
Кеча "Юнайтед" Сен Ламменсни 20 млн еврога сотиб олишга яқин тургани маълум бўлди.
