"Рома" Жэйдон Санчо учун дедлайн белгилади.
Аввалроқ римликлар "Манчестер Юнайтед" билан вингер трансфери бўйича келишиб қўйгани, аммо ҳозирча футболчининг розилигини олишнинг имкони бўлмагани маълум бўлганди.
La Gazzetta dello Sport нашрининг таъкидлашича, А Серия клуби яна икки кун кутишга тайёр ва агар бу вақт ичида инглиз ижобий жавоб бермаса, унда "жаллоросси" бошқа вариантларга эътибор қаратади.
Қайд этилишича, Крисенсио Саммервилл ("Вест Хэм Юнайтед"), Еремая ("Депортиво де Ла Корунья"), Абде Эззалзули ("Реал Бетис") ва Эгиналдо ("Шахтёр") номзодлари аллақачон рад этилган. Шу билан бирга, "Рома"да А Серияда вариантлар бор, жумладан, "Болонья"дан Бенхамин Домингес.
