"Барселона" яна Марк-Андре тер Штегендан норози.
Каталония клуби дарвозабон Испания чемпионати клубларининг бошқа сардорлари билан бирга Испания футболчилари ассоциацияси (AFE) нинг Ла Лига ўйинини Майамида ўтказиш ниятини қораловчи баёнотини имзолаганидан ҳафсаласи пир бўлди, деб ёзади RAC1.
"Барселона"нинг фикрича, тер Штеген мактубга имзо чекмаслиги керак эди, чунки бу клуб манфаатларига зид.
Аввалроқ, Ла Лига президенти Хавьер Тебас 17-турдан ўрин олган "Вильярреал" - "Барселона" учрашуви шу йили Майамида бўлиб ўтишига ишонч билдирганди.













