"Порту" ярим ҳимоячиси Родриго Морага "Ал-Иттиҳод" қизиқиш билдирмоқда.
Инсайдер Фабрицио Романонинг маълум қилишича, Саудия Арабистони клуби португалияликларга мурожаат қилиб, 18 ёшли футболчининг трансфери бўйича музокара ўтказишни таклиф қилган. Қайд этилишича, футболчининг товон пули қатъий белгиланган 70 млн еврони ташкил этади ва "Ал-Иттиҳод" уни тўлашга тайёр.
Аввалроқ, Мора "Пари Сен-Жермен"га ўтиши мумкинлиги маълум бўлганди.
У ўтган мавсумда барча мусобақаларда 35 та ўйинда майдонга тушиб, 11 та гол урган ва 4 та голга ҳаммуаллифлик қилган.
