"Челси" ҳимоячиси Марк Кукурелья Саудия Арабистонига ўтиши ҳақидаги миш-мишлар фонида ўз клуби билан янги шартнома борасида келишиб олганини маълум қилди.

27 ёшли футболчи 2022 йилдан буён "Челси" шарафини ҳимоя қилиб келмоқда.

«Ҳа, иш битди. Биз буни аллақачон қилдик. Мен жуда бахтлиман. Клуб менга ишонч билдирди ва мен бу ерда эканимдан жуда хурсандман. Умид қиламанки, мавсумни ажойиб ўтказаман», - дея Кукурельянинг сўзларини келтиради BBC.

Ҳимоячи 2024/25 йилги мавсумда "Челси" сафида барча мусобақаларда 54 та ўйинда майдонга тушиб, 7 та гол урди ва 4 та голли узатмани амалга оширди. У бу мавсумда АПЛнинг икки ўйинида иштирок этди ва голли узатма муаллифи бўлди.