“Ан-Наср” юлдузи Криштиану Роналду Саудия Арабистони Суперкубоги финалида “Ал Аҳли”га қарши ўйинда гол урди.
Унинг жамоаси пенальтилар сериясида мағлуб бўлди, асосий вақт 2:2 ҳисобида якунланди. 40 ёшли ҳужумчи учрашувнинг 41-дақиқасидаёқ гол урди.
Бу гол португалияликнинг “Ан-Наср” сафида 113 та ўйиндаги 100-голи бўлди. Роналду тарихда тўрт хил жамоа таркибида 100 ёки ундан кўп гол урган биринчи футболчи бўлди.
Роналду «Реал» сафида 438 та ўйинда 451 та, «Манчестер Юнайтед»да 145 та (346 та ўйинда) ва «Ювентус»да 101 та (134 та ўйинда) гол урган.
