Англиялик собиқ футболчи Жейми Реднаппнинг фикрича, Эберечи Эзе "Арсенал" сафидан жамоа сардори Мартин Эдегорнинг асосий таркибдаги ўрнини тортиб олишга қодир.
"Канонирлар" англиялик ярим ҳимоячини "Кристал Пэлас"дан сотиб олди. Юлдуз янги футболчи шанба куни "Лидс"га қарши (5:0) Премьер-лига ўйини бошланишидан олдин "Эмирейтс"да мухлисларга таништирилди. Ўша ўйиннинг биринчи бўлимида Эдегор жароҳат олиб, майдонни тарк этишга мажбур бўлди.
"Эзе "Арсенал"да порлайди, ўнинчи рақамли футболка унга жуда ярашади. У "Кристал Пэлас"да жуда яхши ўйнарди. Агар буни икки йил олдин айтганимда, мени ақлдан озган деб ҳисоблашган бўларди, лекин энди Эдегор ўз ўрнини йўқотиб қўйишдан қўрқиши керак. Ўйлайманки, жамоа сардори Эзе унинг учун муаммо бўлиши мумкинлигини тушунади," - дея Жейми Реднаппнинг сўзларини келтиради Arsenal News Channel.
27 ёшли Эзенинг трансфери "Арсенал"га деярли 70 млн еврога тушди.
