Angliyalik sobiq futbolchi Jeymi Rednappning fikricha, Eberechi Eze "Arsenal" safidan jamoa sardori Martin Edegorning asosiy tarkibdagi o‘rnini tortib olishga qodir.
"Kanonirlar" angliyalik yarim himoyachini "Kristal Pelas"dan sotib oldi. Yulduz yangi futbolchi shanba kuni "Lids"ga qarshi (5:0) Premyer-liga o‘yini boshlanishidan oldin "Emireyts"da muxlislarga tanishtirildi. O‘sha o‘yinning birinchi bo‘limida Edegor jarohat olib, maydonni tark etishga majbur bo‘ldi.
"Eze "Arsenal"da porlaydi, o‘ninchi raqamli futbolka unga juda yarashadi. U "Kristal Pelas"da juda yaxshi o‘ynardi. Agar buni ikki yil oldin aytganimda, meni aqldan ozgan deb hisoblashgan bo‘lardi, lekin endi Edegor o‘z o‘rnini yo‘qotib qo‘yishdan qo‘rqishi kerak. O‘ylaymanki, jamoa sardori Eze uning uchun muammo bo‘lishi mumkinligini tushunadi," - deya Jeymi Rednappning so‘zlarini keltiradi Arsenal News Channel.
27 yoshli Ezening transferi "Arsenal"ga deyarli 70 mln yevroga tushdi.













