"Челси" вингери Тайрик Жоржга "Рома" қизиқиш билдирмоқда. Рим клуби "Манчестер Юнайтед" футболчиси Жэйдон Санчони ўз сафига қўшиб олишга уринди, аммо у трансферга розилик бермади. Инсайдер Фабрицио Романонинг хабар беришича, яқинда "бўрилар" вакиллари Жоржнинг эҳтимолий трансфери шартлари ҳақида маълумот сўраган. 19 ёшли инглиз - агар Санчо фикрини ўзгартирмаса, "Рома" учун вариантлардан бири.
Тайрик Жоржга Германиянинг "РБ Лейпциг" клуби ва Англия Премьер-лигасининг номи ошкор этилмаган вакиллари ҳам даъвогарлик қилмоқда. "Челси"нинг ёш футболчиси transfermarkt портали талқинига кўра 10 млн еврога баҳоланмоқда.
