"Шахтёр" шарафини ҳимоя қилаётган украиналик хавбек Георгий Судаков Португалия чемпионатига кўчиб ўтиши мумкин. Бу ҳақда Record журналистлари хабар бермоқда.

Манбага маълум бўлишича, 22 ёшли ярим ҳимоячининг трансферига Лиссабоннинг "Бенфика" клуби қизиқиш билдирмоқда. Потенциал битим суммаси тахминан 32 миллион еврони ташкил қилиши мумкин. Нуфузли "Transfermarkt" портали футболчини айнан шундай баҳолайди.

Жорий мавсум Судаков тўққизта ўйинда қатнашиб, иккита голли узатмани амалга оширди. Георгийнинг "Шахтёр" билан амалдаги шартномаси муддати 2028 йил декабрь ойи охирида тугайди.