"Астон Вилла" "Челси" ҳужумчиси Николас Жексоннинг трансферини амалга ошириши қийин бўлади. "Кўклар" трансфер ойнаси ёпилгунга қадар сенегалликни сотиб юборишни режалаштирмоқда, аммо бўлажак харидорларга ён босишга шошилмаяпти. Sun Sport хабарига кўра, "Астон Вилла"дагилар 70 млн фунт (деярли 81 млн евро) нархни юқори деб ҳисобламоқда, шунинг учун футболчини сотиб олишдан бош тортиш ҳақида ўйламоқда.
Манбанинг таъкидлашича, номи ошкор этилмаган "йирик клуб" 24 ёшли ҳужумчи бўйича музокараларни давом эттирмоқда.
Николас Жексоннинг нархи машҳур Transfermarkt портали мутахассислари томонидан 50 млн еврога баҳоланмоқда.
